Sjølv om det er laurdag og ikkje torsdag, som er den faste handledagen til Ragnhild og Olav, svingar Ragnhild innom butikken etter å ha levert nokre basarpremiar til Renate som skulle vore leverte for lenge sidan. Mor til Olav har strikka førti par sokkar, men hælen var visst litt vanskeleg denne gongen, ein kan sjå hòla etter fellingane på fleire av dei. Men det er ikkje berre der det har gått gale. Sist Ragnhild og Olav handla, må det ha skjedd ein glipp, for alt i går var det tomt for kaffi. Det er mest som ho mistenkjer at nokon har vore innom kjøkenet og stole. Men kven skulle det ha vore?
